गंगाजमुना गाउँपालिकामा तीज गीत प्रतियोगिता सम्पन्न, अन्नपूर्ण महिला समूह प्रथम

धादिङ २० भाद्र
गंगाजमुना गाउँपालिका धादिङले आयोजना गरेको तीजगीत प्रतियोगितामा अन्नपूर्ण महिला समूह प्रथम भएको छ । हिन्दू महिलाहरुको महान् चाड हरितालिका तीजको अवसरमा आयोजना गरिएको तीज गीत प्रतियोगितामा वडा नं. ५ बाट प्रतिनिधित्व गरेको अन्नपूर्ण महिला समूह प्रथम भएको हो ।

यस्तै वडा नं. ६ को अन्नपूर्ण आमा महिला समूह द्धितीय र वडा नम्बर छ बाटै प्रतिनिधित्व गरेको शिर्जनशील महिला समूह तृतीय तथा वडा नम्बर ५ को हातेमालो महिला समूह सान्त्वना भएको छ ।

महिला हिंसा वा कोभिड १९ सँग सम्बन्धित भएर महिलाहरुले गीत गाएका थिए । १० वटा समूहको सहभागिता रहेको उक्त प्रतियोगितामा प्रथम हुनेले २० हजार, द्धितीय हुनेले १५ हजार, तृतीय हुने टिमले १० हजार र सान्त्वना हुने टिमले ५ हजार पुरस्कार प्राप्त गरेका छन् ।

लोक संस्कृतिको जगेर्ना तथा नेपाली चाडपर्वहरुलाई सम्मान र संस्थागत गर्ने उद्देश्य अनुरुप प्रतियोगिता आयोजना गरिएको गाउँपालिका स्रोतले जानकारी दिएको छ ।