धादिङ जिल्ला क्रिकेट संघको अध्यक्षमा दिपेश कंडेल

धादिङ ०६ भाद्र
दिपेश कंडेलको अध्यक्षतामा धादिङ जिल्ला क्रिकेट संघ तदर्थ समिति गठन भएको छ । आइतबार धादिङबेसीमा भएको एक भेलाले कंडेलको संयोजकत्वमा १५ सदस्यीय तदर्थ समिति गठन गरेको हो । समितिको उपाध्यक्षमा नारायण सिलवाल, महासचिवमा मनिष दुवाडी, सचिवमा सन्दिप सापकोटा, कोषाध्यक्षमा ठाकुर ढकाल र सह–सचिवमा राम बहादुर राना मगर निर्वाचित हुनुभएको छ ।

धादिङमा संस्थागत रुपमा क्रिकेट खेललाई अगाडि बढाउन नसक्दा राष्ट्रिय तथा अन्तराष्ट्रिय स्तरका खेलाडी निर्माण गर्न नसकिएकाले जिल्लामा क्रिकेट संघको आवश्यकता महसुस गर्दै धादिङ जिल्ला क्रिकेट संघ गठन भएको हो ।

कार्यक्रमलाई सम्बोधन गर्दै जिल्ला खेलकुद विकास समिति धादिङका अध्यक्ष प्रताप तामाङले धादिङ जिल्लाको क्रिकेट खेल विकासका लागि आजको दिन ऐतिहासिक भएको बताउँदै जिल्लामा समिति नभएकै कारण संस्थागत रुपमा क्रिकेट खेलको विकास गर्न नसकिएको बताउनु भयो ।

अध्यक्ष तामाङले खेल क्षेत्रमा कसैले पनि राजनीति गर्न नहुने भन्दै खेल क्षेत्र राष्ट्र र राष्ट्रियता चिनाउने एक महत्त्वपूर्ण माध्यम भएको जिकिर गर्नुभयो ।

केही तस्विरहरुः