मलेखुमा विद्युत सर्ट हुँदा आगलागी

धादिङ २२ श्रावण
धादिङको मलेखु बीचबजारमा विद्युत सर्ट भएर आगलागी भएको छ । स्थानीय गोपी तामाङको घरमा टिभिमा विद्युत सर्ट हुँदा आगलागी भएको स्थानीय तिलक चेपाङले जानकारी दिनुभयो ।

कोठामा टेलिभिजन चलिरहेको अवस्थामा बच्चाहरुले टेलिभिजन सेट चलाउँदा विद्युत सर्ट भई आगलागी भएको चेपाङले बताउनु भयो । स्थानीयहरुले आगो नियन्त्रणमा लिइसकेको र प्रहरी घटनास्थल पुगिसकेको चेपाङको भनाइ छ ।