मिलन डेन्टल क्लिनिक धादिङबेसीमा बाङ्गोटिङ्गो दाँत मिलाउने सेवा सुरु

धादिङ २० श्रावण
नीलकण्ठ नगरपालिका लगायत धादिङ जिल्लाका नागरिकहरुलाई सुलभ, सहज र गुणस्तरीय दन्त सेवा प्रदान गर्ने उद्देश्यले धादिङबेसीमा सञ्चालनमा आएको मिलन डेन्टल क्लिनिकले आफ्नो सेवा विस्तार गरेको छ ।

२०७७ साल पौष १६ गतेबाट सञ्चालनमा आएको क्लिनिकमा अब बाङ्गोटिङ्गो दात समेत सुविधा सम्पन्न मेसिनद्धारा दाँत विशेषज्ञाबाट मिलाउने सेवा सुरु गरिएको सञ्चालक मिलन बराइलीले जानकारी दिनुभयो ।

बराइलीका अनुसार दाँत बाङगोटिङ्गो भएर अनुहारको आकृति नै बिग्रिएका व्यक्तिहरुलाई सस्तो तथा सुलभ दरमा उक्त सेवा प्रदान गरिने छ । डेन्टल सम्बन्धी अध्ययन गरेर दन्त सेवामा निरन्तर लागिराख्नुभएका मिलन बराइलीले आफ्नो क्लिनिकबाट सेवाग्राहीहरुलाई विशेष छुटका साथ सुपथ, सुलभ र गुणस्तरीय सेवा प्रदान गर्ने प्रतिबद्धता समेत जनाउनु भएको छ ।

धादिङबेसी पुछारबजार मूलचोकमा सञ्चालनमा आएको क्लिनिकबाट दाँत सफा गर्ने, दाँत भर्ने, कृतिम दाँत राख्ने, दाँतको एक्सरे गर्ने, बाङ्गोटिङ्गो दात मिलाउने लगायत दाँतसम्बन्धी सबै किसिमका उपचारहरु गर्ने सञ्चालक बराइलीले बताउनु भयो ।