धादिङको जोगिमारा तारपुलमा सवारी दुर्घटना हुँदा १ जनाको मृत्यु

धादिङ २८ भाद्र
पृथ्वी लोकमार्ग अन्तर्गत धादिङको बेनिघाट रोराङ गाउँपालिका वडा नम्बर १० तार पुलमा आइतबार सवारी दुर्घटना हुँदा एक जनाको घटना स्थलमै मृत्यु भएको छ । मृत्यु हुनेमा गण्डकी गाउँपालिका वडा नम्बर ६ कौदीखोला, गोरखाका १२ वर्षीय परबचन प्रजा रहेका छन् । काठमाडौँबाट चितवनतर्फ जाँदै गरेको ना ६ ख ३४६४ नम्बरको ट्रकले पैदल यात्री प्रजालाई ठक्कर दिँदा दुर्घटना भएको जिल्ला प्रहरी कार्यालय धादिङले जनाएको छ । ठक्कर दिने ट्रक र चालक प्रहरी चौकी जोगिमाराको नियन्त्रणमा रहेको छ ।