धादिङको धुनिबेसीमा १ सय २६ जनाले गरे रक्तदान

धादिङ २७ श्रावण
धादिङको धुनिबेसी नगरपालिका वडा नम्बर ६ तरकारी बजारमा खुल्ला रक्तदान कार्यक्रमको आयोजना गरिएको छ । भौतिक दुरी कायम गरी सञ्चालन गरिएको रक्तदान कार्यक्रममा १२ जना महिला र १ सय १४ जना पुरुष गरी कुल १ सय २६ जनाले रक्तदान गरेको रेडक्रस धादिङका उपमन्त्री नारायण कुमार श्रेष्ठले जानकारी दिनुभयो । नेपाल रेडक्रस सोसाइटी धुनिबेसी उप शाखाको आयोजना तथा नेपाल रेडक्रस सोसाइटी रक्त सञ्चार सेवा केन्द्र धादिङको प्राबिधिक सहयोगमा खुल्ला रक्तदान कार्यक्रमको आयोजना गरिएको थियो । रक्तदान कार्यक्रममा धुनिबेसी नगरपालिकाका मेयर बालकृष्ण आचार्य, उप मेयर निरु खरेल र नेपाल रेडक्रस सोसाइटी जिल्ला शाखा धादिङका सभापति नायण कुमार तिमल्सीना, मन्त्री दुर्लभ कुमार तामाङ, कोषाध्यक्ष कृष्ण प्रसाद लम्साल, उपमन्त्री नारायण कुमार श्रेष्ठ लगायतको सहभागिता रहेको थियो ।