धादिङको बेनिघाटबाट २५ केजी लागु औषध चरेस सहित २ जना पक्राउ

२० फाल्गुन २०७६, मङ्गलबार
धादिङको बेनिघाट रोराङ गाउँपालिका वडा नम्बर ३ स्थित पृथ्वी लोकमार्ग अन्तर्गत हिलटप होटल नजिकैबाट सोमबार २५ केजी चरेस सहित २ जना पक्राउ परेका छन् । पक्राउ पर्नेमा धादिङको गजुरी गाउपालिका वडा नम्बर ३ का २८ बर्षीय सञ्च बहादुर तामाङ र गजुरी गाउँपालिका वडा नम्बर ३ का ४१ बर्षीय मानवीर तामाङ, रहेको मङगलबार जिल्ला प्रहरी कार्यालय धादिङ पत्रकार सम्मेलन मार्फत जानकारी गराएको हो । बेनिघाट रोराङ गाउपालिका वडा नम्बर ३ मलेखुबाट बेनिघाटतर्फ जाँदै गर्दा पक्राउ परेका उनीहरुलाई मलेखु बजार स्थित पृथ्वी लोकमार्ग आसपास क्षेत्रमा अबैध लागु औषध चरेश ओसारपसार खरिद बिक्री वितरण गरिरहेको विशेष सूचनाका आधारमा सोमबार जिल्ला प्रहरी कार्यालय धादिङ र ईलाका प्रहरी कार्यालय गजुरीको संयुक्त टोलीले मलेखु बजारबाट पक्राउ गरिएको हो । खानतलासी गर्दा हरियो रंगको बोरामा खैरो टेपले बेरी चारपाटे बनाई लुकाई छिपाई ल्याएको अबस्थामा २५ किलो चरेश, बा ४८ प ९२२५ नम्बरको मोटरसाइकल र ३ थान मोबाइल बरामद गरिएको जिल्ला प्रहरी कार्यालय धादिङका प्रहरी नायव उपरीक्षक रुपक खड्काले जानकारी दिनु भयो ।