पिपल भञ्ज्याङ मा.वि मा वडा स्तरीय हाजिरी जवाफ प्रतियोगितामा सम्पन्न, रावलडाँडा आ.वि प्रथम

धादिङ १४ मंसिर

धादिङको बेनिघाट रोराङ गाउँपालिका वडा नम्बर २ ताल्तिमा रहेको पिपल भञ्ज्याङ माध्यमिक विद्यालयमा अन्तर आवि (१–५) वडा स्तरीय हाजिरी जवाफ प्रतियोगितामा सम्पन्न भएको छ ।

विद्यालयको ६९ ओैं वार्षिकोत्सबको पुर्व सन्ध्यामा आयोजना गरेको अन्तर आवि (१–५) वडा स्तरीय हाजिरी जवाफ प्रतियोगितामा ८ वटा विद्यलाय सहभागी भएका थिए ।

प्रतियोगितामा अंक सहित रावलडाँडा आधारभुत विद्यालयको रोशन थापा, शोभा तामाङ, सरोज श्रेष्ठको समुह प्रथम भएको अतिरिक्त क्रियाकलाप कार्यक्रम संयोजक शिक्षक मिश्र शाक्यले बताउनुयो ।

गौरीशंकर आधारभुत विद्यालयका मनिका श्रेष्ठ, आदित्य भुजेल, सुशील चेपाङको समुह दित्तिय,पिपल भञ्ज्याङ माध्यमिक विद्यालयका नवराज तामाङ, दिपिका तामाङ, अनुष्का मगरको समुह तृतीय र चण्डिदेवी आधारभुत विद्यालय संगीता तामाङ, विराज तामाङ, सुमन तामाङको समुह सान्त्वना भएको रावलडाँडा आधारभुत विद्यालयका अतिरिक्त क्रियाकलाप कार्यक्रम संयोजक शिक्षक शाक्यले बताउनुभयो ।