धादिङ आवासीय माध्यमिक विद्यालयमा विज्ञान प्रदर्शनी सम्पन्न

धादिङ १४ मंसिर
धादिङको नीलकण्ठ नगरपालिका वडा नम्बर ३ मा रहेको धादिङ आवासीय माध्यमिक विद्यालयमा विज्ञान प्रदर्शनी सम्पन्न भएको छ ।

शुक्रबार राष्ट्रिय निजी तथा आवासिय माध्यमिक विद्यालय एसोसियसन नेपाल (एन प्याव्सन ) को आयोजना र जिल्ला शिक्षा कार्यलयका प्रमुख कृष्ण कुमार श्रेष्ठ को प्रमुख आतिथ्यतामा सम्पन्न भएको कार्यक्रममा धादिङ आवासीय माध्यमिक विद्यालय, न्यु धादिङ बोर्डिङ स्कुल, न्यु किबो बोर्डिङ स्कुल, किन्डर वल्ड, नेचर स्माईल एकेडेमी,नलाङ मोडेल एकेडेमी, महाविरचुली बोर्डिङ स्कुलले सहभागिता जनाएको थियो ।

सबै विद्यार्थीहरुले आफैले सिर्जना गरेका र आफैले बनाएको सामग्रीहरु प्रर्दशन गरेका थिए । विद्यार्थीले कागज तथा विविध सामग्रीको प्रयोग गरी विज्ञान थिममा आधारित भएर विभिन्न सामग्रीहरु बनाएका थिए । विद्यार्थीलाई चित्रकलामा आकर्षक गर्न र उनीहरूको क्षमता विकासका लागि प्रोत्साहनमूलक प्रदर्शनी गरिएको थियो । विद्यार्थीहरूले बनाएका सामग्री शुक्रबार दिनभर प्रदर्शनमा राखिएको थियो ।

यस्ता किसिमका प्रयोगात्मक तथा शैक्षिक कार्यक्रमहरुले विद्यार्थीहरुको ज्ञानको दायरा अझै बढ्ने उपस्थित शिक्षकहरुले बताउनुभयो ।

फोटो फिचर :