आगिञ्चोक धादिङमा नेपाली काङ्ग्रेसबाट १३ जना नेता कार्यकर्ता नेकपा प्रवेश

धादिङ १७ मङ्सिर
कुमार विश्वकर्मा
त्रिपुरा सुन्दरी गाउँ पालिका वडा नं. ६ आगिञ्चोक छापथोकमा मङ्गलबार नेपाली काङ्ग्रेस पार्टी परित्याग गरी स्थानीय पार्टी कार्यकर्ताहरु नेकपामा प्रवेश गरेका छन् । नेकपा जिल्ला समिति सदस्य एवं त्रिपुरा सुन्दरी गाउँ पालिकाका अध्यक्ष सम्भु कुमार थापाको प्रमुख आतिथ्यता तथा नेकपा स्थानीय नेता गोकर्ण शाहको सभापतित्वमा आयोजित पार्टी प्रवेश कार्यक्रममा नेपाली काङ्ग्रेस परित्याग गरी १२ जना भन्दा नेकपामा प्रवेश गरेका हुन् । कार्यक्रममा नेकपा नेताहरु हरि बहादुर वि.क., श्याम बहादुर पाठक, मदन कुमार श्रेष्ठ, सम्भु थापा, नवराज थपलिया, देव बहादुर बसौला लगायतको आतिथ्यता रहेको थियो ।
नेकपा प्रवेश गर्नेहरुमा नेपाली काङ्ग्रेसका सक्रिय पार्टी सदस्य रेशम बहादुर भण्डारीको नेतृत्वमा जित बहादुर बि.क, साने परियार, तिलक बहादुर बुर्लाकोटी, अर्जुन बहादुर शाह, पदम बहादुर शाह, तारा बहादुर भण्डारी, रुपा कुमारी भण्डारी, कान्छी भण्डारी, रजनी कुमारी भण्डारी र कृष्ण बहादुर बुर्लाकोटी रहेका छन् । नव प्रवेशीहरुलाई स्वागत गर्दै कार्यक्रमका प्रमुख अतिथि एवं त्रिपुरा सुन्दरी गाउँ पालिकाका अध्यक्ष सम्भु कुमार थापाले स्थानीय तहको विकासलाई पारदर्शी बनाउनको लागि नव प्रवेशीहरुको भूमिका महत्त्वपूर्ण रहने बताउनु भएको थियो ।