धादिङको नेत्रवाती डबजोङ गाउँपालिकाका फरार प्रतिवादी आठ वर्षपछि पक्राउ

कात्तिक १९ धादिङ
उत्तरी धादिङको नेत्रवाती डबजोङ गाउँपालिका वडा नं ३ का पेम्बा दोर्जे तामाङलाई (सेमजाङ गा.वि.स वडा नं १) कुटपिट गरी फरार भएका प्रतिवादी ८ बर्ष पछि पक्राउ परेका छन् ।
पक्राउ पर्नेमा नेत्रवाती डबजोङ गाउँपालिका वडा नं ३ साविकको सेमजोङ गा.वि.स वडा नं १ बस्ने मङ्गले तामाङको छोरा चन्द्र बहादुर तामाङलाई जिल्ला प्रहरी कार्यालय धादिङले कार्तिक १८ गते पक्राउ गरेको हो । २०६८÷०६÷२५ गते नेत्रवाती डबजोङ गाउँपालिका वडा नं ३ का पेम्बा दोर्जे तामाङलाई चन्द्र बहादुर तामाङ, धने तामाङ र मैते तामाङले ज्यान मार्ने मनसायले कुटपिट गरी फरार भएका थिए । घाईते पेम्बा दोर्जे तामाङले ३ जना विरुद्ध जिल्ला प्रहरी कार्यालय धादिङमा ज्यानमार्ने उद्योग शीर्षकमा मुद्धा दर्ता गराएका थिए । पक्राउ परेका चन्द्र बहादुर तामाङलाई जिल्ला प्रहरी कार्यालय धादिङले आवश्यक कारबाहीको लागि जिल्ला अदालतमा पेश गरेको छ ।