खनियाबास गाउपालिकामा झार्लाङ मण्डली इतिहास पुस्तक बिमोचन तथा पाष्टर अगुवा सम्मान कार्यक्रम सम्पन्न

धादिङ १३ कार्तिक

धादिङको खनियाबास गाउपालिकामा ख्रीष्टियन कार्यक्रम उद्घाटन तथा झार्लाङको इसाई इतिहास समेटिएको पुस्तक विमोचन तथा पाष्टर अगुवा सम्मान कार्यक्रम सम्पन्न गरेको छ ।

बागमती प्रदेशका मुख्यमन्त्री सालिकराम जम्माकटेलको प्रमुख अतिथ्यतामा सम्पन्न भएको कार्यक्रममा,विशेष अतिथिको रूपमा संघीय सांसद रामनाथ अधिकारी ,बागमती प्रदेशका सांसद डम्बर तामाङ प्रमुख जिल्ला अधिकारी ( धादिङ ) बद्रीनाथ गैह्रे, पाष्टर काली बहादुर तामाङ रहेको थियो ।

कार्यक्रमलाई सम्बोधन गर्नुहुदै प्रमुख अतिथि जमकट्टेलले जनताका आधारभुत समस्यामा स्थानीय सरकार जिम्मेवार बन्नु पर्छ भने जनसरोकारका मध्यम र ठुला योजनाहरु प्रदेश र केन्द्र सरकार मिलेर पुरा गरिने बताउनुभयो ।

उहाले पहिलेको झार्लाङ र अहिलेको झार्लाङमा धेरै परिवर्तन भएको र यसलाई आफुले अझै विकास गर्दै लाने बताउनुभयो ।

प्रभुलाई पाएको ४५ औ बर्षको अवसरमा झार्लाङका युवाहरुको संयुक्त आयोजनामा बृहत कार्यक्रम गरिएको हो ।

सोमबार सम्पन्न भएको कार्यक्रममा प्रमुख बक्तको रूपमा राष्ट्रिय ख्रीष्टियन महासंघ नेपालका महासचिव पास्टर सिमन पाण्डेको उपस्थिति रहेको थियो । त्यस्तै अतिथि कलाकारको रूपमा चर्चित हास्यकलाकार सुलेमन संकर( इकु) स्थानीय कलाकारको रूपमा गायक अभय योन्जन तामाङ र फदर ख्रीष्ट तामाङ रहनुभएको थियो ।

अतिथिहरुमा झार्लाङ मण्डली पाष्टरहरु, खनियाबास गाऊपालिका अध्यक्ष रण बहादुर तामाङ,उपाध्यक्ष सेक्केमान तामाङ, गङ्गजमुना गाउँपालिका अध्यक्ष भक्त लामा , रुबिभ्याली गाउँपालिका अध्यक्ष राम सिङ तामाङ साविक झार्लाङ गा.बि .स खनियाबास गा.पा वडा न १ र २ का वडाध्यक्षा सोनाम बहादुर तामाङ र अरुण कुमार पाख्रीन लगायतको उपस्थिति रहेको ,कार्यक्रम अध्यक्ष मनोज तामाङले जानकारी दिनुभयो ।