धादिङको न्यु किबो बोर्डिङ स्कुलमा दशै शुभकामना आदन प्रदान कार्यक्रम सम्पन्न

धादिङ २८ असोज

आज नवरात्रको पहिलो दिन आज घर घरमा घटस्थापना गरि मनाएको छ ।

यसै अवसरमा धादिङको नीलकण्ठ नगरपालिका–३ मा अवस्थित न्यु किबो बोर्डिङ स्कुलमा पनि दशैको शुभकामना आदन प्रदान कार्यक्रम सम्पन्न गरिएको छ ।

नेपालीहरुको महान चाड दशैको उपलक्ष्यमा शुभकामना आदान प्रदान गर्नुका साथ साथै विद्यार्थीहरुलाई आफ्नो रितिरिवाज अनि धर्मको जगेर्ना गर्नुपर्छ भन्ने शिक्षा दिने उद्देश्यका साथ कार्यक्रम सम्पन्न गरिएको हो ।

उक्त कार्यक्रम विद्यालयका सम्पूर्ण विद्यार्थीहरुलाई शिक्षकहरुबाट टीका तथा जमरा लगाई विभिन्न सांस्कृतिक रमझमका साथ मनाइएको थियो ।

विद्यार्थीहरुलाई सैद्धान्तिक ज्ञानका साथ साथै व्यवहारीक ज्ञात समेत प्रदान गर्नका लागि यस्ता किसिमका सांस्कृतिक कार्यक्रमहरु गर्नु आवश्यक रहेको विद्यालयका प्रधानाध्यापक प्रयास रेग्मीले बताउनुभयो ।

व्यवहारीक शिक्षा अन्तर्गत साना कक्षा का वाल वालिकाहरुले आफैले उमारेर लेराएका जमराहरूको प्रदर्शनी समेत गरिएको थियो ।