गजुरीमा लगानीकर्ता शिक्षा तथा सचेतना कार्यक्रम सम्पन्न

धादिङ २२ असोज

विश्व लगानीकर्ता सप्ताह २०२३ को अवसरमा धादिङको गजुरीमा लगानीकर्ता शिक्षा तथा सचेतना कार्यक्रम गरिएको छ ।

इम्पेरियल सेक्यूरिटीज कम्पनी लिमिटेड ( ब्रोकर नम्बर ४५) को आयोजनामा शेयर मार्केट सम्बन्धि आधारभूत जानकारी दिने र लगानी कर्तालाई वित्तिय साक्षरता तथा सचेतना अभिवृद्धि गराउने उद्देश्यले कार्यक्रमको आयोजना गरिएको धादिङ शाखाका प्रवन्धक मुना सिंखडाले बताउनुभयो ।

कार्यक्रममा शेयरको आधारभूत ज्ञानको विषयमा नेपाल धितोपत्र वोर्डका सहायक निर्देशक गौरव बरालले जानकारी गराउनु भएको थियो । आइपिओ, एफपिओ, निष्काशन, सूचिकरण, खरिद विक्रि प्रक्रिया लगायत विषयमा जानकारी गराइएको सिंखडाले बताउनुभयो ।

शेयर बजारको जोखिम, कस्तो समयमा बजारमा प्रवेश गर्ने, किन्दा र विक्रि गर्दा कस्तो कुरामा ध्यान दिनुपर्छ, शेयरबजारबाट कसरी मुनाफा लिने लगायतका विषयमा नेपाल धितोपत्र वोर्डका सहायक निर्देशक अशोक कुमार विष्टले जानकारी गराउनुभएको थियो ।

इम्पेरियल सेक्यूरिटीज कम्पनी लिमिटेड धादिङ शाखाले लगानी कर्तालाई वित्तिय साक्षरता तथा सचेतना अभिवृद्धि गराउन विभिन्न ठाउँमा कार्यक्रम गर्दै आएको छ । आइतबार धादिङको गजुरीमा आयोजित कार्यक्रममा ७० जनाको सहभागिता रहेको सिंखडाले बताउनुभयो ।