आगामी असोज ४ गतेदेखि नौबिसे मलेखु सडक खण्डमा सवारी सञ्चालन बन्द हुने

धादिङ ०१ असोज
पृथ्वी राजमार्ग अन्तर्गत नौबिसे मलेखु सडक खण्डको बिस्तार तथा निर्माण कार्यलाई सहजीकरण गर्न जिल्ला प्रशासन कार्यलय धादिङले सडक आवत जावतमा रोक लगाउने निर्णय गरेको छ ।

सोमबार प्रमुख जिल्ला अधिकारी बद्रीनाथ गैह्रेको अध्यक्षतामा जिल्ला प्रशासन कार्यलय धादिङमा बसेको सरोकारवाला निकाय सहितको वैठकले उक्त निर्णय गरि सूचना प्रकाशन गरेको सहायक प्रमुख जिल्ला अधिकारी हुमनाथ पराजुलीले बताउनुभयो ।

सहायक प्रमुख जिल्ला अधिकारी पराजुलीका अनुुसार आगमी असोज ४ गते देखि २० गते सम्म हरेक राती ११ बजे देखि बिहान ३ बजेसम्म नियमित लागु हुने बताएको छ ।

उहाँले काठमाण्डौँबाट आउने सवारी साधन थाक्रे गाउँपालिका वडा नम्बर १ एक्लेफाँटमा रोकिने र मुग्लिन तर्फबाट आउने सवारी साधन गजुरी गाउँपालिका वडा नम्बर ५ घाटवेशी पुल नजिक रोकिने बताउनुभयो ।

नागढुंगा–मुग्लिङ सडक योजना(पुर्वी खण्ड) विस्तार कार्यको सहजिकरणका लागि उक्त निर्णय गरेको सहायक प्रमुख जिल्ला अधिकारी पराजुलीले बताउनुभयो ।