शिङ्गला देवी माध्यमिक बिद्यालयमा ५९ औँ बाल दिवस कार्यक्रम सम्पन्न

धादिङ २९ भाद्र
हर्क तामाङ (खनियावास)

धादिङको खनियाबास गाउँपालिकामा रहेको शिङ्गला देवी माध्यमिक बिद्यालयमा ५९ औँ बाल दिवस कार्यक्रम भव्यताका साथ सम्पन्न गरेका छन ।

“वालवालिकामा लगानी,सुनिश्चित भविस्यको थालनी’ भन्ने मुल नाराका साथ शुक्रबार सिर्जनशील वालक्लवको आयोजनामा साँस्कृतिक कार्यक्रम गरिएको हो । वालक्लवका अध्यक्ष अजय तामाङको सभाअध्यक्षता तथा विद्यालयका प्रधानध्यापक बिमल लामाको प्रमुख अतिथ्यतामा सम्पन्न भएको कार्यक्रममा विभिन्न विधामा प्रतिस्पर्धा गरिएको थियो ।

विशेष गरि विद्यालय शिक्षाको राष्ट्रिय उदेश्यले राखेका उदेश्य पूरा गर्नको लागि समय– समयमा विभिन्न किसिमको अतिरिक्त क्रियाकलापहरु संचालन गर्दै आइरहेको यस विद्यालयले शुक्रबार वाल दिवसको अवसर पारी गायक,कविता र नृत्य गरि ३ विधा तर्फ प्रतिस्पर्धा गराईएको प्रधानध्यापक बिमल लामाले जानकारी दिनुभयो ।

प्रमुख अतिथि समेत रहेका प्रधानध्यापक लामाले विद्यार्थीको सर्वाङगाीण पक्षको बिकास गर्ने थलो बिद्यालय भएको दावी गर्नुभयो । विद्यार्थी जीवन भनेको आफ्नो भबिस्यको खाका कोर्ने समय भएको हुनाले प्रत्येक विद्यार्थीहरु यस्तै विभिन्न अतिरिक्त क्रियाकलापहरुमा सरिक भइ आफुमा भएको प्रतिभालाई बाहिर देखाउनको लागि अनुरोध गर्नुभयो ।