१६ दिन देखि वेपत्ता नेपाली सेनाका मेजरको शव काठमाण्डौँ पठाईयो

धादिङ २७ भाद्र
डोल्पा जिल्लाको नेपाली सेनाका नन्द बक्स ब्यारेकमा कार्यरत मेजर विमल पण्डितको शव काठमाडौं लगिएको छ ।

गत भदौ १० देखि बेपत्ता मेजर पण्डितको शव १६ औँ दिनमा हिजो (मंगलबार) त्रिपुरासुन्दरी नगरपालिका– ५ करवगाडस्थित चिन्डेबगरनजिक भेरीनदीको किनारमा फेला परेको थियो ।

बुधबार दिउँसो नेपाली सेनाको हेलिकोप्टरमार्फत उनको शव काठमाडौं पठाइएको जिल्ला प्रशासन कार्यालय डोल्पाले जनाएको छ ।

मेजर पण्डितको मृत्युको कारण खुल्न सकेको छैन ।

थाहा खबरबाट