धादिङबेशीमा खुल्ला रक्तदान कार्यक्रम सम्पन्न २६ जनाले गराए रक्तदान

धादिङ २१ भाद्र

धादिङबेशीमा खुल्ला रक्तदान कार्यक्रम सम्पन्न भएको छ ।

निजामती सेवा दिवसको अबसर पारेर कर्मचारी मिलन केन्द्र धादिङको आयोजना र नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोगमा रक्तदान कार्यक्रम सम्पन्न भएको हो ।

उक्त रक्तदान कार्यक्रममा ४ जना महिला २२ जना पुरुष गरि २६ जनाले रक्तदान गरेको कर्मचारी मिलन केन्द्र धादिङको अध्यक्ष अजय विक्रम मानन्धरले जानकारी दिनुभयो ।

कर्मचारी मिलन केन्द्र धादिङले रक्तदान, मैत्रीपुर्ण फुटबल प्रतियोगिता, ब्याडमिन्टन प्रतियोगिता, खुल्ला कविता वाचन प्रतियोगिता लगायतका कार्यक्रमहरु सम्पन्न गरिसकेको छ ।

यसको पुरस्कार भने भोली निजामती कर्मचारी दिवसको दिन भव्य कार्यक्रम गरी प्रदान गर्ने कर्मचारी मिलन केन्द्र धादिङले जनाएको छ । हरेक वर्ष भाद्र २२ गते निजामती कर्मचारी सेवा दिवस मनाउदै आएको छ ।