खो खो संघ धादिङको अध्यक्षमा उद्धव रिजाल चयन

धादिङ २० श्रावण

धादिङमा नेपाल खो खो संघ धादिङको जिल्ला स्तरीय भेला सम्पन्न भएको छ ।

आज एक कार्यक्रमको आयोजना गरि भेला सम्पन्न गर्नुको साथै उद्धव रिजालको अध्यक्षतामा ११ सदस्यीय समिति समेत गठन गरिएको थियो ।

उक्त भेला बाट उपाध्यक्ष सुनिल सिटौला, भक्त बहादुर गुरुङ, सचिव गणेश आचार्य कोषाध्यक्ष सुस्मा पोखरेल र सदस्यहरूमा मनोज श्रेष्ठ, अशोक गुरुङ, शंकर रिजाल, दिपा पूरी, सन्तोष गुरुङ, देव वहादुर गुरुङ चयन भएका छन् ।

धादिङ जिल्ला खेलकुद विकास समीतिका अध्यक्ष श्री प्रताप सिंह तामाङको प्रमुख आतिथ्यतामा भएको कार्यक्रममा विशेष अतिथिहरु नेपाल खो खो संघको केन्द्रिय कार्यवाहक अध्यक्ष प्रदीप महर्जन, नेपाल खो खो संघका मुख्य प्रशिक्षक लक्ष्मि नारायण वैद्य र नेपाल पत्रकार महासंघ धादिङका अध्यक्ष राजाराम शर्मा लगायत अन्य जनप्रतिनिधि, पत्रकार रखे खेल प्रेमीहरुको सद्भागिता रहेको थियो ।