नेपाल केन्पो खुकुरी मार्शल आर्ट संघ आयोजनमा प्रथम अधिबेशन तथा जिल्ला भेला सम्पन्न

धादिङ १८ श्रावण

गजुरी गाँउपालिका बडा नं ६ आदमघाटमा प्रथम अधिबेशन तथा जिल्ला भेला सम्पन्न भएको छ ।

विहिबार नेपाल केन्पो खुकुरी मार्शल आर्ट संघ आयोजनमा एक कार्यक्रमको आयोजना गरि प्रथम अधिबेशन तथा जिल्ला भेला सम्पन्न गरिएको हो ।

उक्त भेलाबाट नेपाल केन्पो खुकुरी मार्शल आर्ट्स संघ जिल्ला शाखा धादिङको अध्यक्षमा सुमन त्रिपाठी चयन भएको धादिङ जिल्ला खेलकुद विकास समितिका अध्यक्ष सिंहले बताउनुभयो ।

विहिबार भएको प्रथम जिल्ला अधिबेशनबाट उपाध्यक्ष सिताराम तामाङ, सचिव डम्बर बहादुर मोक्तान, कोषाध्यक्ष गणेश तामाङ र सदस्यहरुमा रोशन गुरुङ, विष्णु भट्ट र प्रविण बिक चयन भएका छन् ।

गजुरी गाउँपालिकाका प्रमुख गणेशलाल श्रेष्ठको प्रमुख आतिथ्यता र जिल्ला खेलकुद विकास समिति धादिङका अध्यक्ष प्रतापसिंह तामाङको विशेष आतिथ्यतामा सम्पन्न भएको कार्यक्रममा नेपाल केन्पो खुकुरी मार्शल आर्ट संघ का महासचिव भरत बहादुर गोधार ,लगायत विभिन्न जनप्रतिनिधीहरुको विषेश आतिथ्यतामा उक्त अधिवेशन सम्पन्न भएको थियो ।