धुँवाकोटमा १७ हल गोरु जुधाई

धादिङ ०२ माघ
माघे संक्रान्ति देशभर विविध सास्कृतिक कार्यक्रम गरि मनाईएको छ । आईतबार धादिङको नीलकण्ठ नगरपालिका वडा नम्बर १४ धुँवाकोटमा १७ हल गोरु जुधाई भएको छ ।

धुवाँकोट संस्कृति संरक्षण तथा पर्यटन प्रर्वद्धन केन्द्रले प्रतियोगीताको आयोजना गरेको हो । गोरु जुधाई सँगै कृषि तथा हस्तकला प्रर्दशन समेत गरिएको थियो ।

गोरु जुधाई प्रतियोगीतामा पहिलो समूहको विजेता गोरुको धनीले १२ हजार, उपविजेता गोरुको धानीले १० हजार नगद पाएका छन् । दोस्रो समूह विजेता र उपविजेताले १० हजार र ८ हजार, तेस्रो समूहले ८ हजार र ६ हजार पाएका छन् ।