भिमसेन थापा गाउँपालिका उपाध्यक्षद्धारा छात्रावृत्ति प्रदान

कृष्ण बहादुर लामिछाने । गोरखा  ।
भिमसेनथापा गाउँपालिकाका उपाध्यक्ष अमृता वस्तीले जेहेन्दार तथा असहाय विद्यार्थीलाई छात्रावृत्ति वितरण गर्नुभएको छ ।

उपाध्यक्ष वस्तीले भिमसेनथापा वडा १ मसेल गोरखा स्थित विन्दावती माध्यामिक विद्यालयको ६२ र्औ वार्षिककोत्सव तथा अभिभावक दिवसको अवसरमा जेहेन्दार तथा असहाय विद्यार्थीलाई छात्रावृत्ति स्वरुप रु ५ हजार नगद वितरण गर्नुभएको हो ।

हाल सम्म वस्तीले गाउँपालिका भित्रका २ वटा विद्यालयका २ जना विद्यार्थीलाई छात्रावृत्ति वितरण गर्नुभएको छ । उपाध्यक्ष वस्तीले आफुले गाउँपालिकाबाट प्राप्त गर्ने सेवासुविधा मार्फत छात्रावृत्ति वितरण गर्ने गरेको बताउनुभयो ।

त्यस्तै उँहाले आफुले प्राप्त गर्ने सुविधा मार्फत भिमसेनथापा गाउँपालिका भित्रका विद्यालयको शिक्षा क्षेत्रमा नै लगानी गर्ने बताउनुभयो ।