मैदीमा चौंथो खड्गदेवी साँस्कृतिक उत्सव तथा गोरुजुधाई प्रतियोगिता हुदै

धादिङ १९ पुस
धादिङको ज्वालामुखी गाउँपालिका ३ मैदीमा चौंथो खड्गदेवी साँस्कृतिक उत्सव आयोजना हुने भएको छ ।

मैदीकोट खड्गदेवी मन्दिर संरक्षण समितिको आयोजना खड्गदेवी युवा क्लब ज्वालामुखीको सह–आयोजना र ज्वालामुखी गाउँपालिकाको प्रायोजनमा यहि पौष ३० गतेदेखि माघ १ गतेसम्म ज्वालामुखी गाउँपालिका वडा नम्बर ३ मैदी हटियामा साँस्कृतिक उत्सव कार्यक्रम संचालन हुने भएको हो ।

संस्कृतिको जर्गेन, पृथ्वी नारायण शाहको ब्रतबन्ध गरेको स्थल ऐतिहासिक मैदीकोटको प्रचार प्रसार र पर्यटन विस्तार गर्ने उद्धेश्यले उक्त कार्यक्रम आयोजना गरिएको हो ।

उक्त कार्यक्रमले मैदीकोटको पर्यटन विस्तार गर्न थप टेवा मिल्ने हुँदा सहभागि हुन सबैमा आग्रह समेत गर्नुभएको छ । कार्यक्रममा चर्चित लोकदोहोरी गायक मानसिंङ खड्का, गायिका सुनिता बुढा क्षेत्री, राज लामा, सुस्मिता क्षेत्री, हास्य कलाकार सुबोध गौतम र मोडल तथा डान्सर सुप्रिया खड्का लगाएत राष्ट्रिय तथा स्थानीयस्तरका कलाकारहरुको प्रस्तुती रहने आयोजकले जनाएको छ ।