माओवादी बागमती प्रदेश संसदीय दलको नेतामा सहमति जुटाउने प्रयास

नेकपा माओवादी केन्द्र बागमती प्रदेश संसदीय दलको बैठक शुक्रबारदेखि सुरु भएको छ।

काठमाडौंमा सुरु भएको बैठकमा दलको नेता सर्वसम्मतीमै छान्न प्रयास सुरु भएको दलका नेताहरुले बताएका छन् ।

यद्यपि सहमित जुट्न नसकेको प्रदेश सांसद युवराज चौलागाईंले जानकारी दिए। उनका अनुसार सहमति जुटाउने कोसिस भइरहेको छ ।

दलको नेतामा शालिकराम जमरकट्टेल, गंगनारायण श्रेष्ठ, युवराज दुलाल र सरसहयात्री पौडेलले दाबी गरेका छन् । पहिलो दिनको बैठकमा सहमति नजुटेपछि बैठक भोलि १ बजेलाई पुनः बोलाइएको छ।

सहमति जुट्न नसकेको अबस्थामा भने निर्वाचनबाट भए पनि टु्ंग्याइने चौलागाईंले बताए ।