न्यु किबो बोर्डिङ स्कुलमा किबो कबड्डी च्याम्पियनसिप २०७९ सम्पन्न

धादिङ ०१ पुस
न्यु किबो बोर्डिङ स्कुल, धादिङ बेसी धादिङमा किवो कबड्डी च्याम्पियनसिप २०७९ सम्पन्न भएको छ । जिल्ला खेलकुद बिकास समिती धादिङका अध्यक्ष प्रताप सिङ तामाङले सिठ्ठि बजायर प्रतियोगिताको सुरुवात गर्नु भएको थियो ।

कक्षा ६ देखि १० सम्म अध्ययनरत बिद्यार्थीहरु सहभागी कबड्डी प्रतियोगीतामा सदनात्मक रुपमा जम्मा ८ टिम सहभागी भएका थिए । जसमा प्रतियोगिताको छात्र तर्फ ग्रीन हाउसका  (हरियो सदन) विरुद्ध ९३ स्कोर प्राप्त गरि रेड हाउस (रातो सदन) च्याम्पियन भएको छ भने छात्रा तर्फ ग्रीन हाउस (हरियो सदन) विरुद्ध ५३ स्कोर प्राप्त गरि रेड हाउस (रातो सदन)  च्याम्पियन भएको छ ।

जिल्ला खेलकुद बिकास समिती धादिङका अध्यक्ष तामाङको प्रमुख आतिथ्य रहेको कार्यक्रममा कबड्डी क्लब धादिङका अध्यक्ष रत्नेश यादब, सचीव श्री कृष्ण रिजालको विशेष आतिथ्यता रहेको थियो ।