धादिङ जिल्ला स्तरीय पुरुष भलिबल प्रतियोगिताको फाईनल खेल आज हुदै

धादिङ २३ मंसिर
धादिङ जिल्ला स्तरीय पुरुष भलिबल प्रतियोगिताको फाईनल खेल आज हुदै छ ।

जिल्ला भलिबल संघ धादिङको आयोजनामा सदरमुकाम धादिङबेशी स्थित कभर्डहल सँगैको खेल मैदानमा बुधवारबाट जारी प्रतियोगितामा क्वाटरफाईनल खेलबाट रुबीभ्याली गाउँपालिका, खनियाबास गाउँपालिका, गंगाजमुना गाउँपालिका र सिद्धलेक गाउँपालिका सेमिफाईनलमा पुगेका छन् ।

सेमिफाईनलमा आज (शुक्रबार) बिहान ८ बजे गंगाजमुना र खनियाबास गाउँपालिका बिच प्रतिस्पर्धा हुने छ। दोस्रो सेमिफाईनल खेल बिहान १० बजे सिद्धलेक गाउँपालिका र रुबीभ्याली गाउँपालिका बिच हुने छ भने फाईनल खेल दिउँसो २ बजे हुनेछ ।

प्रतियोगितामा जिल्लाका ९ वटा टिमले प्रतिपर्धा गर्ने छन् । मंसिर २१ गतेबाट सुरु भएको प्रतियोगिता मंसिर २४ गतेसम्म चल्ने छ ।

प्रतियोगिताको बिजेताले नगद १ लाख १ हजार ११ रुपैँया सहित ट्रफि मेडल र प्रमाणपत्र पाउने छ । त्यस्तै द्धितीय हुने टिमले नगद ५० हजार ५५५ र तृतीय हुने टिमले २० हजार २२२ रुपैँया सहित ट्रफि मेडल र प्रमाणपत्र पाउने छ भने बेष्ट सटर, सर्वर, प्लेयर, ब्लकर र स्पाईकरले ट्रफि र प्रमाणपत्र पाउने छन् ।