त्रिपुरासुन्दरी माई मेलाको अवसरमा आयोजित स्वास्थ्य शिविरमा २१५ जनाले गराए स्वास्थ्य परिक्षण, ३५ जनाले गरे रक्तदान

धादिङ ११ मंसिर
त्रिपुरासुन्दरी माई मेला २०७९ को अवसरमा रक्तदान कार्यक्रम सम्पन्न भएको छ ।

त्रिपुरासुन्दरी गाउँपालिका स्थित त्रिपुरासुन्दरी माई मन्दिर परिसरमा भएको रक्तदान कार्यक्रममा ९ जना महिला र २६ जना पुरुष गरी ३५ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

हेड्स नेपाल केन्द्रिय कार्यालयको आयोजनामा तथा मेची महाकाली बुहारी संयुक्त आवाज काठमाडौ जिल्ला शाखाको सह–आयोजनामा भएको रक्तदान कार्यक्रममा नेपाल रेढक्रस सोसाईटी रक्त संचार केन्द्र धादिङको प्राविधिक सहयोग रहेको थियो ।

साथै मेला कै अवसरमा आयोजित स्वास्थ्य शिविरमा २१५ जनाले स्वास्थ्य परिक्षण गराएका छन् ।