धादिङ सिद्धलेकमा मतदानका क्रममा विवाद हुँदा २ जना घाइते

धादिङ ०४ मंसिर
धादिङमा मतदानका क्रममा विवाद हुँदा दुई जना घाइते भएका छन् ।

धादिङको सिद्धलेक ७ को महाकाली मावि मतदान केन्द्रमा गठबन्धन कार्यकर्ताको आक्रमणबाट दुइजना सामान्य घाइते भएका छन् ।

घाइते हुनेमा रुपक खतिवडा तथा रोषन गिरि रहेको जनाइएको छ । एक जना मतदाताको मत परिवारका मानिसले हाल्ने वा इच्छाएको व्यक्तिले हाल्ने भन्ने विषयमा विवाद हुँदा घटना हुन पुगेको थियो ।

घटनापछि स्थिति सामान्य बनाउन सुरक्षाकर्मी परिचालन गरिएको प्रहरीले जनाएको छ ।