स्थानीय तह निर्वाचन–२०७९ का लागि धादिङमा २ हजार ३ सय ७९ जनाको उम्मेद्वारी दर्ता

धादिङ १३ वैशाख
स्थानीय तह निर्वाचनका लागि धादिङ जिल्लामा २ हजार ३ सय ७९ जनाको उम्मेद्वारी परेको छ । १३ वटा पालिका र १ सय ४ वडा रहेको धादिङ जिल्लामा २ नगरपालिका र ११ गाउँपालिका रहेका छन् ।

निर्वाचन कार्यतालिका अनुसार वैशाख ११ र १२ गते रहेको उम्मेद्वारी दर्ता समयमा नगरपालिका प्रमुख पदमा २४ जना, उप–प्रमुख पदमा १९ जना, गाउँपालिका अध्यक्ष पदमा १ सय २५ जना, उपाध्यक्ष पदमा ७० जना, वडा अध्यक्षमा ६ सय ५० जना, महिला सदस्यमा ३ सय ७५ जना, दलित महिला सदस्यमा ३ सय १० जना र सदस्य पदमा ८ सय ६ जना गरी २ हजार ३ सय ७९ जनाको उम्मेद्वारी परेको जिल्ला निर्वाचन कार्यालय धादिङले जानकारी दिएको छ ।