भूतपूर्व सैनिक कृषि सहकारी संस्थाको ११ औ स्थापना दिवसमा २९ जनाले गरे रक्तदान

धादिङ १२ पौष
भूतपूर्व सैनिक कृषि सहकारी संस्था धादिङको आयोजनामा भएको रक्तदान कार्यक्रममा सोमबार २९ जनाले रक्तदान गरेका छन् । संस्थाको ११ औँ वार्षिक उत्सवको अवसर पारी आयोजना गरिएको खुल्ला रक्तदान कार्यक्रममा ११ जना महिला र १८ जना पुरुषले रक्तदान गरेका हुन् । कार्यक्रमको प्राविधिक सहयोग भने नेपाल रेडक्रस सोसाइटी रक्तसञ्चार सेवा केन्द्र धादिङले गरेको रेडक्रस धादिङका उप–मन्त्री नारायण कुमार श्रेष्ठले जानकारी दिनुभयो ।