धादिङको नेत्रावती डबजोङमा लामा धुप बनाउने तालिम सम्पन्न

धादिङ ०६ पौष
धादिङको नेत्रावती डबजोङ गाउँपालिकामा ५ दिने लामा धुप बनाउने तालिम सम्पन्न भएको छ । नेत्रावती डबजोङ गाउँपालिकाको आयोजना तथा ग्रामीण दिगो विकास सेवा प्रालिको सहजीकरणमा तालिमको आयोजना गरिएको हो ।

मङ्गलबार एक कार्यक्रमका बिच प्रविधि हस्तान्तरण र प्रमाणपत्र वितरण सहित तालिमको समापन गरिएको ग्रामीण दिगो विकास सेवा प्रालिका प्रमुख रामचन्द्र न्यौपानेले जानकारी दिनुभयो ।

समापन कार्यक्रममा गाउँपालिका उपाध्यक्ष उर्मिला तामाङको प्रमुख आतिथ्यता रहेको थियो भने प्रमुख प्रशासकीय अधिकृत श्यामकृष्ण पौडेलको विशेष आतिथ्यता रहेको थियो । तालिममा १५ जना सहभागीहरुले सिप सिकेका छन् ।