जेष्ठ नागरिकलाई सम्मान गर्दै धादिङको गंगाजमुना गाउँपालिका

धादिङ ०८ मङ्सिर
धादिङको गंगाजमुना गाउँपालिकाले जेष्ठ नागरिक सम्मान कार्यक्रम सञ्चालन गरेको छ । मङ्सिर ५ गतेबाट सुरु भएको जेष्ठ नागरिक सम्मान कार्यक्रम गाउँपालिकाको वडा नं. ३,४,५,६,७ मा सम्पन्न भैसकेको गाउँपालिका उपाध्यक्ष एन्जिला तामाङले जानकारी दिनुभयो ।

रु १ हजार नगद सहित १ डिब्बा हर्लिक्स र दोसल्लाद्धारा जेष्ठ नागरिकहरुलाई सम्मान गरिएको हो । गाउँपालिकाको घोषित कार्यक्रम अनुसार ९० वर्षभन्दा माथिका जेष्ठ नागरिकहरुलाई सम्मान गरिएको महिला तथा बालबालिका शाखा प्रमुख चित्र मल्लले जानकारी दिनुभयो ।

गाउँपालिकाको ७ वटा वडामध्ये हालसम्म ५ वटा वडाका ८० जना जेष्ठ नागरिकहरुलाई सम्मान गरिएको मल्लले बताउनु भयो । शुक्रबार वडा नं. १ र २ का जेष्ठ नागरिकहरुलाई सम्मान गर्ने कार्यक्रम रहेको छ ।