रातो बंगला फाउन्डेशनले भिमसनेथापा गाउँपालिका गोरखासँग शैक्षिक साझेदारी गर्ने

कृष्ण बहादुर लामिछाने
गोरखा ११ कार्तिक
रातो बङ्गला स्कूलद्धारा सञ्चालित रातो बङ्गला प्रतिष्ठान र भिमसेन थापा गाउँपालिका गोरखाको शिक्षामा साझेदारी एक दिवसीय परिचयात्मक कार्यक्रम भिमसेन थापा गाउँपालिकाको सभाहलमा विहिबार सम्पन्न भएको छ ।

कार्यक्रमका अध्यक्ष समेत रहनुभएका गाउँपालिकाका अध्यक्ष ईश्वर पाण्डेले रातो बंगला स्कूलको साझेदारीमा भिमसेनथापा गाउँपालिकामा शैक्षिक स्तर अभिवृद्धि, शिक्षकहरुलाई पेशागत सहयोग, शिक्षण सिकाइ सामाग्री व्यवस्थापन र प्रयोगमा गाउँपालिकाको पूर्ण सहयोग रहने प्रतिबद्धता जाहेर गर्नुभएको थियो ।

गाउँपालिका अध्यक्ष पाण्डेको अध्यक्षता रहेको कार्यक्रममा उपाध्यक्ष विनु वाग्ले, प्रमुख प्रशासकीय अधिकृत विजयराज वाग्ले, शिक्षा अधिकृत यान बहादुर नेपाली, रातो बंगला प्रतिष्ठानकी अध्यक्ष डा. शान्ता दिक्षित, प्रबन्ध निर्देशक ईशा थापा, कार्यक्रम संयोजक अर्पणा जोसी, प्रशिक्षक निवेश महर्जन लगायतको उपस्थिति रहेको कार्यक्रममा गाउँकार्यपालिकाका सदस्यहरु र गाउँपालिका अन्तरगत रहेका सबै विद्यालयका प्रधानाध्यापक एवं विद्यालय व्यवस्थापन समितिका अध्यक्षहरुको सहभागिता रहेको थियो ।

कार्यक्रमको सहजीकरण गाउँपालिकाका शिक्षा शाखाका स्रोतव्यक्ति लक्ष्मण बाबु आचार्यले गर्नुभएको थियो ।