धादिङको गजुरीमा गुडिरहेको बसमा आगलागी

सांकेतिक तस्विर

धादिङ ०७ कार्तिक
पृथ्वी राजमार्ग अन्तर्गत धादिङको गजुरी गाउँपालिका–१ गजुरीबजारमा गुडिरहेका बसमा आगलागी भएको छ । सुर्खेतबाट काठमाडौँतर्फ जादै गरेको ना ६ ख १४७१ नम्बरको यात्रुबाहक बसमा आइतबार बिहान एक्कासी आगलागी भएको जिल्ला प्रहरी कार्यालय धादिङका प्रवक्ता प्रहरी नायब उपरीक्षक जागेश्वर भण्डारीले जानकारी दिनुभयो ।

बसमा ३६ जना यात्रु रहेता पनि सबै सकुशल रहेको तर बसमा भएका सामग्रीहरु जलेर पूर्ण क्षति भएको प्रहरीको भनाइ छ । बसको इन्जिनबाट एक्कासी धुँवा निस्किएपछि यात्रुहरुलाई बसबाट बाहिर निकालिएकाले मानवीय क्षति हुन नपाएको प्रहरकिो भनाइ छ । दमकल, प्रहरी तथा स्थानीयको सहयोगमा आगो नियन्त्रणमा लिइएको हो ।