नलाङमा सवारी दुर्घटना, ७ जना घाइते

धादिङ ०३ कार्तिक
सिद्धलेक गाउँपालिका धादिङको नलाङमा सवारी दुर्घटना हुँदा ७ जना घाइते भएका छन् । बुधबार दिउसो यात्रु बोकेर नलाङ बैरेनीतर्फ आउँदै गरेको बा ५ च ९८३६ नम्बरको डिआइ भ्यान ठाँटीमा र्घटनाग्रस्त भएको हो ।

दुर्घटनामा परि १ जना पुरुष, ४ महिला, १ बालक र १ बालिका गरी ७ जना घाइते भएको जिल्ला प्रहरी कार्यालय धादिङले जानकारी दिएको छ । घाइतेहरुको थप उपचारका लागि जिल्ला अस्पताल धादिङ ल्याइएको छ ।

नलाङबाट करिब २५ जना यात्रु बोकेर आएको उक्त भ्यान ब्रेक फेल भई सडकबाट करिब ५,७ मिटर तल खसेको प्रहरीको भनाइ छ ।
तस्विरः समाजिक सञ्जाल