२० औँ मजदुर बलिदान दिवस तथा अभिनन्दन कार्यक्रम जोगिमारा धादिङमा सम्पन्न

धादिङ ११ फाल्गुण
२० औ मजदुर वलिदान दिवस तथा अभिनन्दन कार्यक्रम बेनिघाट रोराङ १० सहिद पार्कमा सम्पन्न भएको छ । श्रमिक सहिद बेपत्ता स्मिती प्रतिस्ठानका अध्यक्ष मणिराज गुरुङको अध्यक्षतामा सम्पन्न भएको कार्यक्रममा बागमती प्रदेशका निवर्तमान आन्तरिक मामिला तथा कानुन मन्त्री सालिकराम जम्कट्टेलको प्रमुख आतिथ्यता रहेको थियो । यस्तै कार्यक्रममा बेनिघाट रोराङ गाउपालिकाका अध्यक्ष पित्त बहादुर डल्लाकोटीको विशेष आतिथ्यता रहेको थियो । यस्तै अतिथिहरुमा नेकपा बेनिघाट रोराङ गाउँ सङ्गठन कमिटी अध्यक्ष बिबेक थपलिया, ट्रेड युनियन महासङ धादिङका अध्यक्ष बद्री प्रसाद सुवेदी, वडा नम्बर १० का अध्यक्ष अम्बर गुरुङ, वडा नम्बर ५ का अध्यक्ष रोशन कुमार सिलवाल लगायत रहनुभएको थियो । वि। स। २०५८ साल फागुन ज्ञज्ञ गते मजदुरीको लागि कालिकोटको कोटवडामा गएका साबिकको जोगिमारा गाबिसका १७ जना मजदुरहरुलाई तत्कालिन शाही नेपाली सेनाद्वारा हत्या गरिएको थियो । कार्यक्रममा सहिद परिवारलाई नगद सहित कार्यक्रमका प्रमुख अतिथी, विशेष अतिथिहरुले सम्मान गर्नुभएको थियो ।

कार्यक्रममा मन्तव्य राख्दै ट्रेड युनियन महासंघ धादिङका अध्यक्ष वद्री प्रसाद सुवेदीले सहिदले देखाएको बाटोमा अनवरत लाग्ने प्रतिबद्धता जनाउदै अहिलेको असम्बैधानिक कु को विरुद्ध लाग्न सबैलाई आग्रह गर्नुभयो ।

यस्तै नेकपा बेनिघाट रोराङ गाउँ सङ्गठन कमिटीका अध्यक्ष एवं सहिद परिवार सदस्य बिबेक थपलियाले यो सिङ्गो उपलब्धि सहिदको बलिदानबाट प्राप्त भएको उपलब्धि रक्षा गर्न आवश्यक रहेको बताउदै आफ्नै परिवारबाट जनयुद्धमा ३ जनाले बलिदान गरेकाले सहिद बेपत्ताका पीडा सम्बोधन राज्य र पार्टीले गर्नुपर्ने बताउनु भयो ।

यस्तै कार्यक्रमका विशेष अतिथी बेनिघाट रोराङ गाउपालिका अध्यक्ष हरि डल्लाकोटीले गाउँपालिकाले सहिद बेपत्ताको सम्मानका लागि सबै किसिमको सहयोग गरिरहेको र श्रमिक सहिद बेपत्ता स्मृति प्रतिस्ठानको भवन निर्माण , संग्रहालय स्थापना लगायतका क्षेत्रमा सहयोग गरेको र थप सहयोग गर्ने प्रतिबद्धता जनाउनु भयो ।

कार्यक्रमका प्रमुख अतिथी सालिकराम जम्कट्टेलले जिल्लाभरका जनयुद्धका सहिद बेपत्ताको सम्झनामा जिल्लाब्यापी कार्यक्रम सन्चालन गर्नुपर्ने बताउदै आफ्नो तर्फबाट जस्तोसुकै सहयोग गर्न तयार रहेको बताउनु भयो । देशको राजनैतिक अवस्थाको बारेमा बताउदै नेत जम्कट्टेलले पार्टी एकताको सुरुवातबाट नै ओलिको कार्यशैली सङ्कास्पद देखिएको बताउदै ओलीकै एकात्मक शैलीले पार्टी बिघटनको अवस्थामा आएको बताउनु भयो । संघीय व्यवस्थालाई तुहाउने अन्तरास्ट्रिय शक्ति केन्द्रको डिजाइनमा ओलीले प्रतिनिधि सभा विघटन गरेको आरोप लगाउनु भयो ।

पार्टी एकता बचाउनको लागि ओलिलाई दलेर धेरै ड्रम तेल सकिएको बताउदै ओलि गणतन्त्र, संघीयता, समाबेशीको बिरोधी रहेको बताउनु भयो । ओलिले कम्युनिस्ट आन्दोल सखाप पार्न लागेकाले यसलाई बचाउनको लागि आम जनसमुदाय आन्दोलित हुनुपर्ने बताउनु भयो ।
सहिद स्तम्भ सहितको भ्यु टावर निर्माण गर्ने, बनभोज स्थल, चेपाङ संग्रहालय निमार्ण गर्ने योजना रहेको प्रतिस्ठानका अध्यक्ष गुरुङले बताउनु भयो ।