सुनगाभा एकेडेमीमा सरस्वती पूजा तथा अक्षरारम्भ कार्यक्रम(फोटो फिचर)

धादिङ ०४ फागुन
प्रत्येक वर्षको माघ शुक्ल पञ्चमीका दिन विद्याकी देवी सरस्वतीको पूजा आराधना गरी मनाइने श्रीपञ्चमी पर्व धादिङका विभिन्न शैक्षिक संस्थाहरुमा भव्यताका साथ मनाइएको छ । सुनगाभा एकेडेमीमा एक कार्यक्रम आयोजना गरी सरस्वती देवीको पूजा आराधना सहित पुरस्कार वितरण तथा विविध सांस्कृतिक कार्यक्रम सम्पन्न भयो । विद्यालयका कक्षा नर्सरीदेखि कक्षा ९ सम्मका प्रथम, द्धितीय तृतीय र विद्यालय प्रथम हुने विद्यार्थीहरुलाई विद्यालय सञ्चालक समितिका सदस्यहरु, विद्यालयका प्रधानाध्यापक बद्रि लम्साल लगायतले पुरस्कार वितरण गर्नुभयो । यस्तै कार्यक्रममा विद्यार्थी तथा शिक्षकहरुले सरस्वती देवीको प्रतिमामा माल्यार्पणका साथै पूजा आरधना गर्दै विभिन्न मनोरञ्जनात्मक खेलहरु खेलेका थिए । यस्तै सरस्वती पूजाकै अवसर पारी भएको अक्षरारम्भ तथा निःशुल्क स्कुल व्याग वितरण कार्यक्रममा उल्लेख्य मात्रामा नयाँ विद्यार्थीहरु सहभागि भएको विद्यालयका शिक्षक कपिल जम्कट्टेलले जानकारी दिनुभयो । संगीत, कला, साहित्य र विद्याकी खानी सरस्वतीको आज विधिपूर्वक पूजा आराधना गरी स्तोत्र पाठ गरेमा पढ्न आउँछ भन्ने धार्मिक विश्वास छ ।