धादिङको गंगाजमुना स्थित ताजिम्राङमा सुरु भएको खुल्ला भलिबल प्रतियोगिता सोमबार पनि जारी

धादिङ,२६ माघ ।
धादिङको गंगाजमुना गाउँपालिका स्थित रि को वडा नम्बर १ ताजिम्राङमा आईतबार देखि सुरु भएको खुल्ला भलिबल प्रतियोगिता सोमबार पनि जारी रहेको छ । महिमा युथ क्लब धादिङ र वडा नम्बर १ को साँझेदारीमा गंगाजमुना गाउँपालिका स्थित रि को वडा नम्बर १ र २ अन्र्तगत खुल्ला भलिबल प्रतियोगिता सुरु गरिएको हो । आईतबार कार्यक्रमका प्रमुख अतिथी जिल्ला खेलकुद विकास समिति धादिङका अध्यक्ष प्रताव सि तामाङले भलिबल सर्भिस गरेर कार्यक्रमको उद्ध्घाटन गर्नुभएको थियो ।
उक्त कार्यक्रमलाई सम्बोधन गर्दै अध्यक्ष प्रताव सि तामाङले धादिङको खेलकुद क्षेत्रको विकास निम्ति आफु सधै प्रतिवद्ध रहेको बताउनु भयो । हामीले गर्ने दैनिक क्रियाकलाप मध्ये खेलकुद पनि एक महत्वपुणर् क्रियाकलाप भएकोले खेलकुद क्षेत्रमा लाग्न सबै युवाहरुलाई आग्रह समेत गर्नुभएको छ । आईतबार देखि सुरु भएको खुल्ला भलिबल प्रतियोगितामा प्रथम हुने समुहलाई रु.४० हजार नगद ट्रफी मेडल र प्रमाण पत्र द्धितीय हुने समुहलाई रु.२० हजार नगद ट्रफी मेडल र प्रमाण पत्र र तृतीय हुने समुहलाई रु.१० हजार नगद ट्रफी मेडल र प्रमाण पत्र प्रदान गरिने छ । १२ टिमको सहभागिता रहेको उक्त भलिबल प्रतियोगिता २७ गते (भोली) सकिने जिल्ला खेलकुद विकास समिति धादिङका अध्यक्ष प्रताव सि तामाङले जानकारी दिनुभयो ।