ओईले आधारभूत विद्यालय गजुरी धादिङमा न्यानो कपडा र स्टेसनरी वितरण

धादिङ १० माघ
धादिङको दक्षिणी भेग अन्तर्गत पर्ने गजुरी गाउँपालिका वडा नं. ५ चिसोखोलामा रहेको श्री ओइले आधारभूत विद्यालयमा शुक्रबार न्यानो कपडा वितरण गरिएको छ । शुक्रबार एक कार्यक्रमको बिच ३० जना बालबालिकालाई सुइटर ट्राउजर र स्टेसनरी समान समेत वितरण गरिएको थियोे । चिसोबाट बालबालिकालाई जोगाउनको लागि आफ्नो व्यक्तिगत तर्फबाट न्यानो कपडा वितरण गरिएको विद्यालय व्यवस्थापन समिति अध्यक्ष कुमार भण्डारीले जानकारी दिनुभयो । त्यसैगरी सोही कार्यक्रमका बीच वडा सदस्य रामशरण लामिछानेले स्टेसनरी वितरण गर्नुभएको छ । नयाँ विद्यालय व्यवस्थापन समिति बनेसँगै नयाँ ढङ्गबाट काम गरी व्यवस्थापन र शैक्षिक रुपान्तरणको क्षेत्रमा परिवर्तन ल्यााउने व्यवस्थापन समिति अध्यक्ष कुमार भण्डारीले जानकारी दिनुभएको छ । कार्यक्रममा वडा अध्यक्ष रामचन्द्र मिजार, वडा सदस्य रामशरण लामिछाने ,विद्यालय व्यवस्थापन समितिका पदाधिकारी, अभिभावक, युवा तथा बाल अभियान्ता भुवन भण्डारी लगाएतको उपस्थिति रहेको थियोे । कार्यक्रममा मन्तव्य राख्ने क्रममा वडा अध्यक्ष रामचन्द्र मिजारले विद्यालयलाई अगाढि बढाउनको लागि हरतरहबाट सहयोग गर्ने प्रतिबद्दता समेत गर्नुभएको छ ।