धादिङका शिक्षासेवी डा. नवीनबन्धु पहाडी इन्ट्रिग्रेटी आइकनको उत्कृष्ठ पाचमा

धादिङ २६ पौष
देशको सेवा इमान्दारितापूर्वक गर्ने उत्कृष्ठ ५ राष्ट्रसेवकहरुमध्येबाट धादिङका शिक्षासेवी डा. नवीनबन्धु पहाडी छनौट हुनुभएको छ । इन्ट्रिगेटी आइकन २०२० का लागि आयोजक संस्थाले उत्कृष्ठ र नमूनायोग्य काम गरेकाहरुबाट सेवाग्राहीकै सिफारिस तथा सम्पादित कार्यहरुका आधारमा निर्णायकहरुको एक वर्षको सुक्ष्म निरीक्षणबाट आइकन छनौट गरिएको हो । डा. पहाडीले नीलकण्ठ माध्यमिक विद्यालय, नीलकण्ठ बहुमुखी क्याम्पस, आमाको माया छात्राबासमामा समर्पित भएर अध्यापन गराइरहनु भएको छ । उहाँ लगायत नेपालगञ्ज जनस्वास्थ्य चौकीकी जनस्वास्थ्य निरिक्षक आरती थारु, डा. दिपक ज्ञवाली, कृषि ज्ञान केन्द्र ओखलढुङ्गाका हेम थापा र मङ्गलसेन नगरपालिकाकी महिला विकास शाखाकी मञ्जु महत पनि इन्ट्रिगेटी आइकनको उत्कृष्ठ ५ मा पर्न सफल भएका छन् ।