५० किलो चरेस सहित थाक्रे गाउँपालिका -१ खयरघारीबाट एकजना पक्राउ

धादिङ २८ मङ्सिर
पृथ्वी राजमार्ग अन्र्तगत धादिङको थाक्रे गाउँपालिका वडा नम्बर १ स्थित खयरघारीबाट ५० किलो चरेश सहित आईतबार एकजना पक्राउ परेका छन् । पक्राउ पर्नेमा थाक्रे गाउँपालिका वडा नम्बर ८ का ३४ वर्षीय दिपक मगर रहेका छन् । गल्छी गाउँपालिका वडा नम्बर ८ बाट खयरघारीतर्फ जाँदै गरेको बा २१ प ८७६ नम्बरको मोटरसाइकलमा चेकजाँच गर्ने क्रममा तीन वटा झोलामा चरेश भेटिएको आदमघाटका प्रहरी निरीक्षक गणेश खड्काले जानकारी दिनुभयो । पक्राउ परेका मगरलाई लागु औषध कारोवार ओसार पसार तथा बिक्री वितरण सम्वन्धी कसुरमा प्रचलित कानून वमोजिम दण्ड सजायका लागि थुनामा राखी अनुसन्धान गरिने खड्काले जानकारी दिनुभयो ।