गजुरीका कुमार भण्डारीद्धारा जन्मदिनमा विद्यालयलाई सरसफाइ तथा स्वास्थ्य सामग्री सहयोग

भुवन भण्डारी
धादिङ २५ असोज
युवा अभियन्ता कुमार भण्डारीले जन्मदिनको अवसरमा आइतबार गजुरी गाउँपालिका वडा नम्बर ५ स्थित पिडा माध्यमिक विद्यालयलाई डस्बिन तथा स्वास्थ्य सामग्री वितरण गर्नु भएको छ । २०५२ असोज २४ गते बुबा तेजबहादुर भण्डारी र आमा देवकी भण्डारीबाट जन्मिनु भएका युवा अभियन्ता कुमार भण्डारीले जन्म दिनको अवसरमा गजुरी माध्यमिक विद्यालयलाई १२ थान डस्बिन र ४ सय थान मेडिकल माक्स सहयोग गर्नुभएको हो । धादिङको दक्षिणी भेग अन्तर्गत पर्ने गजुरी गाउँपालिका वडा नं. ५ मा रहेको उक्त विद्यालय बि.सं. १९८२ सालमा भाषा पाठशालाको रूपमा स्थापित भएको थियो । जन्म दिनको अवसरमा केक काँटेर पार्टी गर्ने संस्कारलाई मेटाउदै समुदाय स्तरमा सहयोग गरी समाज रुपान्तरणको दियो बन्न सम्पूणर् युवाबर्गहरुलाई भण्डारीले आग्रह समेत गर्नुभएको छ ।