धादिङको आदमघाटमा २० केजी चरेस सहित एकजना पक्राउ

धादिङ २१ असोज
गजुरी गाउँपालिका वडा नं ६ आदमघाट धादिङमा अबैध लागू औषध चरेश सहित १ जना पक्राउ परेका छन् । इलाका प्रहरी कार्यालय गजुरीले बुधबार २० किलो ८ सय ग्राम चरेश सहित धादिङको खनियावास गाउँपालिका वडा नम्बर २ का ३७ वर्षीय रेशम बहादुर तामाङलाई पक्राउ गरेको हो । सो स्थानमा लागु औषध कारोबार हुदै गरेको भन्ने विशेष सूचनाका आधारमा इलाका प्रहरी कार्यालय गजुरीबाट खटिएको प्रहरी टोलीले तामाङलाई पक्राउ गरेको हो । प्रक्राउ परेका तामाङको साथबाट २० केजी ८ सय ग्राम चरेश, १ थान मोबाईल र नगद ८ हजार समेत बरामद गरिएको गजुरी प्रहरीले जानकारी दिएको छ । प्रक्राउ परेका तामाङलाई जिल्ला अदालत धादिङबाट म्याद थप गरी अनुसन्धान भईरहेको इलाका प्रहरी कार्यालय गजुरीले जानकारी दिएको छ ।
तस्बिर सौजन्य: धादिङ सञ्चार डट कम