रेडियो बिहानी व्यवस्थापन समितिमा अमृत तामाङ

धादिङ १० भाद्र
सहिद स्मृति सञ्चार सहकारी संस्था लिमिटेडद्धारा सञ्चालित रेडियो बिहानी ९७.६ मेगाहर्ज व्यवस्थापन समितिको अध्यक्षमा अमृत तामाङ चयन हुनुभएको छ । सहिद स्मृति सञ्चार सहकारी संस्था लिमिटेड नीलकण्ठ ३ धादिङको श्रावण ३१ गते बसेको सञ्चालक समितिको बैठकले अमृत तामाङको अध्यक्षतामा ५ सदस्यीय समित गठन गर्ने निणर्य गरेको थियो । सोही निणर्य अनुसार बुधबार एक कार्यक्रमका बीच अध्यक्ष तामाङ लगायत नव निर्वाचित कार्यसमितिले पदभार ग्रहण गरेको हो । कार्यक्रममा सहिद स्मृति सञ्चार सहकारी संस्थाका अध्यक्ष एवं नीलकण्ठ नगरपालिकाका उप मेयर मनराज भण्डारी, महासचिव बोदनाथ दुवाडी र नीलकण्ठ नगरपालिका वडा नं. ५ का वडा अध्यक्ष राम कुमार श्रेष्ठले खादा र अबिर सहित बधाइका साथै सफल कार्यकालको शुभकामना व्यक्त गर्नुभएको थियो । नवनिर्वाचित कार्यसमितिको अध्यक्षमा अमृत तामाङ र सदस्यहरुमा विष्णु ढुङ्गाना, हरिकृष्ण लम्साल, रिता बस्नेत र सदस्य सचिवमा स्टेशन म्यानेजर शिव प्रसाद देवकोटा(सञ्जय) चयन हुनुभएको छ ।