नलाङ पात्ले माध्यमिक विद्यालयले ६० औँ वार्षिक उत्सवको अवसरमा श्रीमदभागवत महायज्ञ गर्ने

धादिङ १६ फगुन
नलाङ पात्ले माध्यमिक विद्यालय सिद्धलेक गाउपालिका वडा नम्बर २ धादिङको ६० औँ वार्षिक उत्सव हिरक जयन्ती तथा संगीतमय श्रीमदभागवत महायज्ञ सम्पन्न हुने भएको छ ।

यहि फागुन २० गते भव्य रुपमा विद्यालयको ६० औँ वार्षिक उत्सवको अवसरमा सो कार्यक्रम आयोजना गर्न लागिएको विद्यालय व्यवस्थापन समिती अध्यक्ष देवेन्द्र कुमार श्रेष्ठले जानकारी दिनुभयो ।

पंडित वालकृष्ण अर्यालको मुखारविन्दुबाट धार्मिक प्रवचन हुने कार्यक्रम २१ गते देखि २३ गतेसम्म सम्पन्न हुनेछ ।

उक्त महायज्ञबाट संकलित रकमबाट विद्यालय कोष स्थापना गर्ने,१ देखि कक्षा ५ सम्मका विद्यार्थीहरुलाई निशुल्क बिहानी कक्षा सञ्चालन गर्ने,सहुलियत दरमा खाना तथा खाजाको व्यवस्था गर्ने,गरिव तथा जेहेन्दार विद्यार्थीलाई छात्रवृतिको लगायतको व्यवस्था गर्ने श्रेष्ठले बताउनुभयो ।

दानवीर दाताहरुलाई कार्यक्रमको नियमअनुसार जिवनी लेखन,प्रमाणपत्रद्धारा सम्मान लगायतका सम्मानहरु गर्ने जनाएको छ । कार्यक्रम भने २० गते उदघाटन गरि २१ गतेदेखि २३ गतेसम्म कथा वाचन झाँकी,धनिधाचान्चल,तुलादान गर्न सकिनेछ ।

कार्यक्रममा उपस्थीत हुन असमर्थको लागि (नलाङ पात्ले माध्यमिक विद्यालयको वैँक खाता नम्बर,कुमारी बैँक लिमिटेड सिद्धलेक बुङचुङ शाखा ०८१०२६५२८६५००००१,र फोन पे।९८०३२९४६४५) मा जम्मा गर्न सक्नुहुनेछ ।

थप जानकारीको लागि सम्पर्क मोबाईल नं ९८४१७१७८५२,९८१००५४२७९