साउदीमा अगस्ट १२मा २८ औ विश्व आदिवासी दिवस मनाउदै आदिवासी महासंघ

धादिङ
नेपाल आदिवासी जनजाति महासंघ  नेफिन राष्ट्रिय समन्वय परिषद , साउदी अरबले २८ औ विश्व आदिवासी दिवस शुभकामना आदान प्रदान तथा साँस्कृतिक कार्यक्रम(२०२२ आयोजना गरि मनाउने भएको छ।

महासंघले आगामी अगस्ट १२ तारिख दिनको १२स्बजे देखि बेलुकी ८स् बजे साउदीको पुर्बी क्षेत्र दम्माम शहरको
पारगन होटेल , सिको नजिकै कार्यक्रम आयोजना गरिने अध्यक्ष खेम गुरुङले पिटि अनलाईनलाई जानकारी दिनुभयो।

अध्यक्ष गुरुङका अनुसार नेपाली राजदुतावासको रियादका प्रमुख तथा महामहिम कार्यबाहक राजदूत दिलिप पौडेलको प्रमुख आतिथ्यमा बिशुद्ध जातीय सास्कृतिक झाकीको प्रस्तुति साथमा जातिय पहिचानलाई संरक्षण सम्बर्धन मुलक सांगीतिक प्रस्तुति हुने बताउनुभयो।

फरक साँस्कृतिक पहिचान भएको देश साउदीमा नेपाली आदिवासी जनजातिको पहिचान सहित कार्यक्रम आयोजना भएको हुदा साउदी स्थित संघसंगठन ,सामाजिक ब्यक्तित्व लगायत नेपाली श्रमिक तथा समुदायलाई पत्र काटिसके यदी कुनै कारणबश पत्र प्राप्त नभएमा यसै सूचनालाई आधार मानी गरिमामय उपस्थितिको अध्यक्ष गुरुङले अपिल गर्नुभएको छ।

महासंघको प्रवास समिति साउदीमा तमु धि नेपाल प्रवास शाखा साउदी अरब ,नेपाल मगर संघ शाखा साउदी अरब ,किरात राई यायोक्खा शाखा साउदी अरब ,नेपाल तामांग घेदुग साउदी अरब , नेवा स् समाज साउदी अरब ,किरात याक्थुङ चुम्लुङ र साउदी अरब लगायत जातीय संघसंगठन आबद्ध रहेका छन् ।

संयुक्त राष्ट्रसंघको सन् १९९४ डिसेम्बर २३ मा बसेको महासभाले पहिलो पटक ‘९ अगस्ट’लाई ‘विश्व आदिवासी दिवस’ का रूपमा मनाउने निर्णय गरेको थियो । उक्त दिन साउदी अरब कार्यरत नेपालीलाई बिदा नहुने हुदा शुक्रबार १२ तारिखमा कार्यक्रम हुन लागिएको हो।

सन् १९८२ मा आदिवासी बारेमा उठेका सवाल सम्बोधनका निम्ति कार्यदल गठन गरेको थियो । सोही कार्यदलको पहिलो बैठक अगस्त ९ मा बसेको थियो । कार्यदलको सुझावअनुसार सोही दिनको सम्झना गर्दै यो दिवस मनाउन थालिएको हो, जुन २८ औं वर्ष पुगेको छ । नेपालका आदिवासी जनजातिले समेत १९९५ देखि यो दिवस मनाउँदै आएका छन् । राष्ट्रसंघले सन् २०२२का निम्ति “आदिवासी ज्ञानको संरक्षण र पुस्तान्तरणमा आदिवासी महिलाको भूमिका” नारा तय गरेको छ ।

०४६ सालको राजनीतिक परिवर्तनपछि बनेको संविधानले नेपालमा उत्पीडित जातजाति, भाषाभाषीहरू आफ्नो सामूहिक हक अधिकारका निम्ति संगठित हुने, मातृभाषामा पत्रपत्रिका प्रकाशन गर्ने, परम्परागत संस्कार संस्कृतिहरूको उजागर गर्ने अधिकार दिएपछि जातीय संस्थाहरु खुल्ने क्रम सुरु भयो । तिनै जातीय संस्थाहरू एकीकृत पहलमा २०४७ सालमा नेपाल आदिवासी जनजाति महासंघ गठन भयो । पछि सरकारले आदिवासी जनजाति उत्थान राष्ट्रिय प्रतिष्ठान ऐन, २०५८ जारी गर्‍यो । सोही ऐनअनुसार ५९ थरी आदिवासी जनजातिलाई सूचीकृत भएका छन् । महासंघअन्तर्गत महिला, युवा, विद्यार्थी, पत्रकार, वकिल, चलचित्र, मजदुर र फरक क्षमता भएका शारीरिक रूपले अशक्त गरी ८ वटा महासंघीय सम्बन्धन संस्थाहरू सम्बद्ध छन् । त्यसैगरी महासंघअन्तर्गत २३ भन्दा बढी विदेश शाखाहरू क्रियाशील छन् । हाल महासंघमा ५६ भन्दा बढी आदिवासी जनजातीय सदस्य संगठनहरू आबद्ध छन् ।

अनलाइन साभार