नेत्रावती गाउँपालिकाको अध्यक्ष र उपाध्यक्षमा काँग्रेसका उम्मेद्वार विजयी

धादिङ ०३ जेष्ठ
नेत्रावती डबजोङ गाउँपालिकाको अध्यक्ष र उपाध्यक्ष दुवैमा नेपाली काँग्रेसका उम्मेदवार विजयी भएका छन् । अध्यक्षमा मेघनाथ रिजाल र उपाध्यक्षमा सीतामाया चोदन ९गुरुङ० विजयी भएका हुन् ।

सत्ता गठबन्धन वीच सहमति हुन नसक्दा यस पालिकामा सत्ताधारी दलहरु नै मित्रवत प्रतिस्पर्धा उत्रिएका थिए ।

रिजालले २ हजार ५ सय ४२ मत ल्याए । उनका प्रतिद्वन्दी नेकपा माओवादी केन्द्रकी उर्मिला तामाङ गुरुङले १ हजार ६ सय ८३ मत प्राप्त गरिन् ।

त्यस्तै उपाध्यक्षमा गुरुङले २ हजार ७ सय ८६ मत प्राप्त गरिन् । उनका प्रतिद्धन्द्धि नेकपा एमालेका विना कुमारी मम्बा तामाङले १ हजार ६ सय ३३ मत प्राप्त गरिन् ।

पाँच वटा वडा रहेको यस गाउँपालिकाको चारवटा वडामा काँग्रेस र एक वटामा एमालेका उम्मेदवार विजयी भएका छन् । काँग्रेसबाट वडा नं १ मा ठाकुर गुरुङले ६ सय ३, वडा नं २ मा मिनबहादुरर तामाङले ३ सय १०, वडा नं ३ मा सुरेश गुरुङले ४ सय २९, वडा नं ५ मा हरि अधिकारीले ७ सय २७ मत प्राप्त गरे भने नेकपा एमालेबाट वडा नं ४ मा तिलबहादुर गुरुङले ५ सय ८४ मत प्राप्त गरे ।