सुनगाभा एकेडेमीमा फुड फेस्टिभल एन्ड ओपन डान्स कम्पिटिसन तथा फोटो प्रदर्शनी कार्यक्रम सम्पन्न

धादिङ १८ चैत्र
संस्थागत विद्यालयतर्फको जिल्लाकै पहिलो विद्यालय सुनगाभा एकेडेमी धादिङले शुक्रबार फुड फेस्टिभल एन्ड ओपन डान्स कम्पिटिशन तथा फोटो प्रदर्शनी कार्यक्रम सम्पन्न गरेको छ । विद्यार्थीहरुलाई नियमित पठन पाठनको अलावा व्यवहारिकत तथा प्रयोगात्मक ज्ञान प्रदान गर्ने उद्देश्यले सो कार्यक्रमको आयोजना गरिएको विद्यालयका प्रधानाध्यापक वद्रि लम्सालले जानकारी दिनुभयो ।

कार्यक्रममा विद्यार्थीहरुले विभिन्न खानका परिकारहरु तयार गरेका थिए भने विद्यालय स्थापना कालदेखिको संकलित फोटोहरुको प्रदर्शनी समेत गरिएको थियो । यस्तै विद्यार्थीहरुबाटै विभिन्न मनोरञ्जनात्मक खेलहरु समेत आयोजना गरिएको थियो ।

ओपन डान्स कम्पिटिशनमा विद्यालयको नर्सरीदेखि कक्षा ५ सम्मका विद्यार्थीहरुले आफ्नो प्रस्तुति देखाएका थिए । प्रतियोगितामा पूर्व प्राथमिकतर्फ युकेजिका विद्यार्थीहरु विजयी भएका हुन् भने कक्षा १,२ र ३ को प्रतियोगितामा कक्षा ३ का विद्यार्थी र कक्षा ४ र ५ को प्रतियोगितामा कक्षा ५ का विद्यार्थी विजयी भएका हुन् । कार्यक्रम शिक्षकहरुले समेत नृत्य प्रस्तुत गरेका थिए ।

विद्यालयका प्रधानाध्यापक वद्रि लम्सालको सभापतित्वमा आयोजित कार्यक्रममा रेडियो बिहानीका स्टेशन म्यानेजर सञ्जय देवकोटा, विद्यालयका सञ्चालक समिति सदस्यहरु, अभिभावक, शिक्षक, पूर्व विद्यार्थी लगायतको आतिथ्यता रहेको थियो भने विद्यालयका अधिकाशं अभिभावक र विद्यार्थीहरुको उपस्थिति रहेको थियो ।

केही तस्विरहरु :