धादिङका विभिन्न स्थानमा महाशिवरात्री पर्व मनाइदै/शिद्धलेकमा ५९ जनाले गरे रक्तदान

धादिङ १७ फाल्गुण
आज महाशिवरात्री पर्व धादिङसहित देशभरका शिवालयमा भगवान शिवको पूजा अर्चना र विभिन्न सांस्कृतिक कार्यक्रम गरी मनाइएको छ । धादिङको सिद्धलेक (सिद्धबाबा मन्दिर),गुप्तेश्वर, सुकौरा लगाएत देशभरका शिवालयमा दर्शनार्थीको भिड लागेको थियो ।

धादिङको सिद्धलेक (सिद्धबाबा मन्दिर), गुप्तेश्वर, त्रिपुरा सुन्दरी ७ सुकौरामा शिवरात्रीको अवसरमा विविध सांस्कृतिक कार्यक्रम सहित शिवरात्री मनाईएको छ । कार्यक्रममा राष्ट्रिय स्तरका कलाकार लगायत स्थानीय कलाकारहरुको बेजोड प्रस्तुती रहेको थियो ।

शिवरात्री पर्वकै अवसर पारी धादिङको सिद्धलेक गाउँपालिका–२ स्थित ढेवाडाँडामा आयोजित खुल्ला रक्तदान कार्यक्रममा ५९ जनाले रक्तदान गरेका छन् । नेपाल रेडक्रस सोसाइटी नलाङ उपशाखा धादिङको आयोजनामा भएको उक्त रक्तदान कार्यक्रममा १० जना महिला र ४९ जना पुरुषको सहभागिता रहेको नेपाल रेडक्रस सोसाइटी धादिङ शाखाका उप–मन्त्री नारायण कुमार श्रेष्ठले जानकारी दिनुभयो ।

कार्यक्रमको नेपाल रेडक्रस सोसाइटी रक्त सञ्चार सेवा केन्द्र धादिङले प्राविधिक सहयोग गरेको थियो ।